Hvernig tengi ég Shopify?

Inngangur

Hér að neðan eru leiðbeiningar um hvernig þú getur bætt við afhendingarleiðum Dropp í Shopify. Það tekur aðeins nokkrar mínútur að tengjast með því að ná í Dropp appið fyrir Shopify.

Fyrst þarf að ná í appið

Fyrsta skrefið er að fara inn á apps.shopify.com/dropp og smella á Add app.
Ef þú ert skráð/ur inn á Shopify ferðu beint á næstu síðu en annars þarftu að skrá þig inn með því að skrifa inn nafnið á búðinni þinni.
Næst ýtirðu á Install app.

Svo þarf að setja inn API Key

Bæta við Carrier Calculated Rates (bara ef þú færð skilaboðin hér að neðan)
Ef þessi skilaboð koma upp þarftu að bæta við Carrier Calculated Rates með því að hafa samband við Shopify á help.shopify.com/en/questions#/contact. Þau bæta því við án þess að þú þurfir að breyta um áskriftarleið eða greiða fyrir það.

Í sumum tilfellum þarf að breyta yfir í árlegar greiðslur til Shopify en verðið lækkar þá í leiðinni. Þau eru yfirleitt mjög fljót að svara.
Setja inn API Key
Næst þarftu að slá inn API Key sem þú getur nálgast á umsjon.dropp.is undir Stillingar eða í tölvupóstinum sem þú fékkst frá Dropp þegar þú skráðir þig.
Ef þú ert ekki búin/n að stofna aðgang hjá Dropp geturðu smellt á Get an API Key og skráð inn upplýsingar um verslunina þína.

Næst ýtirðu á Test and Save Key.

Loks þarf að stilla appið og setja inn verð

Næst færðu upp stillingar fyrir Dropp appið. Þú getur alltaf nálgast stillingarnar aftur með því að skrá þig inn á Shopify og smella á Apps.
Stillingarnar sem þú þarft að velja eru:
Number of Pickup Points Hér geturðu valið hversu margir Dropp afhendingarstaðir birtast þegar viðskiptavinir velja afhendingarleið. Shopify birtir þá afhendingarstaði sem eru næst heimilisfangi viðskiptavinarins. Þú valið að einn til fimm afhendingartaðir birtist en við mælum með því að birta þrjá til fimm afhendingarstaði.
Dropp shipping price Hér slærðu inn verðið sem viðskiptavinir greiða fyrir að sækja á afhendingarstaði Dropp á Höfuðborgarsvæðinu.
Dropp shipping price outside of the capital area Hér slærðu inn verðið sem viðskiptavinir greiða fyrir að sækja á afhendingarstaði Dropp á landsbyggðinni.


Offer free shipping from a certain order value Ef þú vilt bjóða fría afhendingu þegar verslað er fyrir meira en ákveðna fjárhæð geturðu bætt því við hér. Ef þú vilt t.d. bjóða fría afhendingu ef verslað er fyrir meira en 10.000 kr. geturðu stillt það eins og á mynd.


Að neðan eru fleiri afhendingarvalmöguleikar sem eru stilltir á nákvæmlega sama hátt

Heimsending á
Höfuðborgar-
svæðinu
Ef þú vilt bjóða upp á samdægurs heimsendingu á Höfuðborgarsvæðinu geturðu stillt það hér. 

Heimsending utan Höfuðborgar-
svæðisins
Ef þú vilt bjóða upp á heimsendingu utan Höfuðborgarsvæðisins geturðu stillt það hér. Þetta eru heimsendingar á Suðvesturhorninu (Akranes, Reykjanes og Suðurland austur að Hvolsvelli).  Stillingarnar eru eins og fyrir afhendingarstaðina hér að ofan.

Heimsending áskrifstofutíma Ef þú vilt bjóða upp á heimsendingu á skrifstofutíma geturðu stillt það hér. Þessar sendingar eru keyrðar út á milli kl. 10 og 16 næsta dag. Stillingarnar eru eins og fyrir afhendingarstaðina hér að ofan.

Afhendingar á Landsbyggðinni Ef þú vilt bjóða upp á afhendingu í öllum bæjarfélögum geturðu stillt það hér. Þessar sendingar fara ekki á Dropp afhendingarstaði. Stillingarnar eru eins og fyrir afhendingarstaðina hér að ofan.

Þá er þetta tilbúið!

Þegar þú ert búin/n að vista stillingarnar geturðu farið inn á vefverslunina þína og séð hvernig afhendingarleiðirnar birtast. Ef þú vilt gera breytingar geturðu farið aftur í stillingarnar inni á Shopify aðganginum þínum undir Apps.

Hvernig geng ég frá pöntunum?

Þegar pantanir berast frá viðskiptavinum þarftu að fara í Fulfill order og prenta út límmiða. Við getum síðan sótt pantanirnar til verslunarinnar eða þú getur komið með þær til okkar.
Leiðbeiningar hvernig þú gengur frá pöntunum má nálgast hér.
Svaraði þetta spurningunni þinni? Takk! Eitthvað fór úrskeiðis. Vinsamlegast reyndu aftur seinna.