Hvernig tengi ég WooCommerce?
Hér að neðan eru leiðbeiningar um hvernig þú getur bætt við afhendingarleiðum Dropp í WooCommerce. Það tekur aðeins nokkrar mínútur að tengjast með því að ná í Dropp plugin fyrir WooCommerce.
1. Stofna aðgang
Ef þú hefur ekki stofnað aðgang geturðu gert það hér. Það kostar ekkert að tengjast og aðeins er rukkað fyrir afhentar sendingar.
2. Ná í plugin
Fyrst þarftu að skrá þig inn á WordPress og smella á Plugins í valmyndinni vinstra megin á skjánum.
Næst ýtirðu á Add new efst á skjánum og leitar að Dropp.
Þar finnurðu Dropp for WooCommerce og smellir á Install og síðan á Activate.
Til að sjá hvort þetta hafi virkað geturðu valið Active inni á Plugins síðunni og Dropp ætti að birtast þar.
Þú getur einnig náð í plugin hér.
3. Setja inn API key og Store ID
Næst ferðu í WooCommerce > Settings > Shipping inni á WordPress og smellir á Dropp.
| API lykill | Hér þarftu að slá inn API lykil sem þú getur nálgast á umsjon.dropp.is undir Stillingar eða í tölvupóstinum sem þú fékkst frá Dropp þegar þú skráðir þig |
| API lykill (test) | Þú getur sett sama API lykil hér eins og að ofan |
| Store ID | Hér þarftu að setja inn Store ID sem er í tölvupóstinum frá Dropp |
| Ný pöntun, staða | Flestar verslanir velja Bíður aksturs (Dropp) en einnig er hægt að velja aðra möguleika |
| Endursendingarmiðar | Með því að haka við hér þá stofnast endursendingarmiði með hverri pöntun sem þú getur látið fylgja með sendingum. Þá geta viðskiptavinir skilað sendingunni á alla Dropp staði án þess að skrá endursendinguna sérstaklega. |
Næst ýtirðu á Save changes.
Þegar endursendingarmiði er sendur með sendingu þarf að passa að hann sé ekki utan á sendingunni.
Best er að setja hann inn í sendinguna og viðskiptavinir líma hann á þegar þeir ætla að skila.
4. Stilla Shipping zones
Næst ferðu í Shipping > Shipping zones.
Ef þú ert að setja upp nýja netverslun og ert ekki með neitt Shipping zone þá þarftu að smella á Add shipping zone og slá inn þessar stillingar (þetta þarf ekki að gera ef þú ert að nota Shipping zone sem nú þegar er til staðar):
| Zone name | Hér geturðu skrifað Iceland |
| Zone regions | Hér þarf ekki að setja inn neinar upplýsingar |
5. Velja hvaða sendingarleiðir verða í boði
Næst þarftu að velja Shipping zone sem inniheldur allt Ísland (annað hvort það sem þú varst að búa til eða Shipping zone sem þú varst nú þegar með) og smella á edit.
Hér þarftu að smella á Add shipping method, þar eru sex valmöguleikar frá Dropp í boði:
| Dropp | Til að bjóða upp á Dropp afhendingarstaði á höfuðborgarsvæðinu |
| Dropp utan höfuðborgarsvæðis | Til að bjóða upp á Dropp afhendingarstaði utan höfuðborgarsvæðisins |
| Dropp Heimsending | Til að bjóða upp á samdægurs heimsendingar á höfuðborgarsvæðinu |
| Dropp Heimsending utan höfuðborgarsvæðis | Til að bjóða upp á samdægurs heimsendingar á suðvesturhorninu (Reykjanesbær, Akranes, Hveragerði, Selfoss, Þorlákshöfn, Stokkseyri og Eyrarbakki) |
| Dropp Heimsending (Dagdreifing) | Til að bjóða upp á heimsendingar á höfuðborgarsvæðinu á skrifstofutíma (afhent næsta virka dag) |
| Dropp - Landsbyggð | Til að bjóða upp á afhendingar með Flytjanda |
6. Stilla verðin
Frá og með 1. júní 2023 mun þjónusta Dropp aukast og við bætum við þjónustu fyrir þyngri sendingar. Verslanir sem eru nú þegar að nota Dropp geta notað leiðbeiningarnar hér að neðan til að setja inn verð fyrir þyngri sendingar. Til þess að þessar stillingar birtist þarf að uppfæra Dropp plugin fyrir WooCommerce.
Næst þarftu að smella á Edit fyrir hvert og eitt Shipping method inni í Shipping > Shipping zones og þá geturðu stillt verðin sem viðskiptavinir greiða fyrir sendingarnar:
| Cost 0 kg - 10 kg | Hér þarf að setja inn verð fyrir 0-10 kg sendingar |
| Cost 10 kg - 30 kg | Hér þarf að setja inn verð fyrir 10-30 kg sendingar |
| Cost 30 kg - 75 kg | Hér þarf að setja inn verð fyrir 30-75 kg sendingar |
| Cost 75 kg - 150 kg | Hér þarf að setja inn verð fyrir 75-150 kg sendingar |
| Lesa verð frá Dropp | Hér geturðu smellt á Notaðu tillögur um verð og þá verða verðin þau sömu og verðin sem verslunin greiðir Dropp. Ath. að ef þú smellir hér þá detta verðin sem þú varst búinn að setja inn út. |
| Ókeypis sendingar | Þessi valmöguleiki býður upp á að rukka engan sendingarkostnað ef viðskiptavinir versla fyrir meira en einhverja tiltekna upphæð. Ef hakað er í boxið kemur upp gluggi til að slá inn lágmarksupphæðina sem viðskiptavinir þurfa að versla fyrir til að fá ókeypis sendingu. |
| Shipping class costs | Hér er hægt að bæta við sendingarkostnað fyrir ákveðnar vörur. Með því að setja vörur í svokallaða "shipping classes" er hægt að rukka aukalega fyrir sendingar á vörum í þeim flokki. Í flestum tilfellum þarf ekki að setja neitt í þessa reiti. |
Þegar þetta er búið ýtirðu á Save changes.
7. Upplýsingar um þyngd sendinga
Til þess að verð fyrir þyngri sendingar birtist rétt (þau verð sem þú settir inn hér að ofan) þarf að skrá þyngd fyrir þær vörur sem eru þyngri en 10 kg. Ekki er nauðsynlegt að skrá nákvæma þyngd fyrir allar vörur.
Hvernig á að skrá þyngd?
Til að skrá þyngd vöru er farið í Products > All Products. Þar er hægt að velja vöru og smella á edit. Þá er hægt að smella á Shipping vinstra megin á síðunni og setja inn þyngd í Weight (kg).
Við mælum með því að skrá þyngdirnar svona:
- Vörur sem eru 0-10 kg: Hér þarf ekki að setja inn þyngd
- Vörur sem eru 10-30 kg: Hér má setja þyngdina 15 kg (eða einhverja tölu á milli 10 og 30)
- Vörur sem eru 30-75 kg: Hér má setja þyngdina 50 kg (eða einhverja tölu á milli 30 og 75)
- Vörur sem eru 75-150 kg: Hér má setja þyngdina 100 kg (eða einhverja tölu á milli 75 og 150)
- Vörur sem eru 150 kg eða meira: Hér má setja þyngdina 151 kg (eða einhverja tölu hærri en 150)
Með því að skrá þyngdirnar með þessum hætti þarf ekki að mæla og setja inn nákvæma þyngd fyrir allar vörur og þetta dugar til þess að rétt verð birtist. Ef þú ert nú þegar með nákvæma þyngd fyrir allar vörur skráðar þá þarftu ekkert að gera og verðin ættu að birtast rétt. Ath. að þegar þú skráir þyngdirnar þarftu að nota rúmmálsþyngd.
Rúmmálsþyngd
Þegar þyngd vöru er skráð þarf að tryggja að notuð sé rúmmálsþyngd. Það er einfalt að reikna út rúmmálsþyngd fyrir stakar vörur með þessari reiknivél. Í flestum tilfellum er það stærð vörunnar (rúmmál) sem ræður því hver rúmmálsþyngdin er og því er mikilvægt að reikna þetta rétt.
Dæmi: Vara sem er 40cm (hæð) x 50cm (breidd) x 60cm (lengd) með umbúðum og er 20 kg að þyngd hefur rúmmálsþyngdina 40 kg. Þrátt fyrir að þyngdin sé aðeins 20 kg er rúmmálið það mikið að rúmmálsþyngdin verður 40 kg.
Ef þú þarft að reikna út rúmmálsþyngd fyrir margar vörur geturðu formúluna hér að neðan (fyrir stakar vörur er gott að nota reiknivélina):
Rúmmálsþyngd = hæð x breidd x lengd / 3000
Þá er þetta tilbúið!
Þegar búið er að vista stillingarnar geturðu farið inn á vefverslunina þína og séð hvernig afhendingarleiðirnar birtast. Ef þú vilt gera breytingar geturðu alltaf farið aftur inn í stillingarnar og breytt þeim.
Afhendingarstaðir Dropp birtast á korti inni í vefversluninni. Ef þú vilt breyta litnum á kortinu geturðu haft samband við [email protected].
Einn af kostunum við WooCommerce er að það er einfalt að breyta útlitinu. Ef þú vilt laga útlitið á afhendingarleiðunum eða fá vefhönnuð til að aðstoða við það geturðu breytt útlitinu í Appearance inni í WooCommerce svo það passi betur við síðuna.
Hvernig geng ég frá pöntun?
Þegar pantanir berast frá viðskiptavinum þarftu að ganga frá pöntun og prenta út límmiða. Við getum síðan sótt pantanirnar til verslunarinnar eða þú getur komið með þær til okkar. Nánari upplýsingar um móttöku sendinga eru hér.
Leiðbeiningar um hvernig þú gengur frá pöntunum má nálgast hér.